借合作識女仔？歐陽日華睇中韓國女歌手
20180303
東網電視
更多新聞短片
合作撻着機會都好高。
澳門跳唱歌手歐陽日華和韓國女饒舌歌手Kisum近日到電台接受訪問，宣傳新歌《Crazy For You》。歐陽日華介紹歌曲時說：「首歌係想講一段puppy love嘅故事，模擬互相喜歡嘅男女之間嘅對話，歌詞係好簡單易明，希望引起大家嘅共鳴，返到去經歷初戀嘅時候。」問他初戀可有甚麼難忘的事，他就分享自己的經歷：「初戀係讀高中嘅時候，當時個女仔要外遊，咁我就花咗成晚時間，第一次學整一個黑森林蛋糕，到機場拎出來畀佢，(佢有冇話好冧呀？)都有㗎。」
歐陽日華表示和Kisum僅認識四個月，彼此已經成為好好嘅朋友：「佢係一個好nice好得意嘅女仔，好奇心好強，某程度上都可以話係我嘅理想型，因為我係好鍾意得意嘅女仔。」問到Kisum歐陽日華又會不會是她的理想型？她就說：「雖然佢都可以話係幾完美，但就未至於話十分符合我嘅理想型，因為我係鍾意大隻少少嘅男仔。」歐陽日華即說：「咁我要繼續努力喇，（有冇打算操大隻？）都想㗎，計劃中想自己再結實啲。」
問歐陽日華有冇出碟計劃？他說：「自己仲未出過碟，今年打算做多一兩隻歌先，仲想邀請更多欣賞嘅歌手玩crossover，都會盡快出碟。」
----------------------------
東網巨星開咗ig喇，大家快啲follow啦！