一齊出道16年!Shine開騷搵at17做嘉賓

20180304
東網電視
更多新聞短片
咁就出道十六年。

組合Shine一連兩場在紅館舉行的《Shine Moments Live 2018》去到尾場,請來當年同期的Twins和at17擔任特別嘉賓,先是at17現身台上,林二汶更老實不客氣問Shine兩子:「點解我哋開騷時你哋唔嚟做嘉賓?」兩人笑言:「你哋嗰時冇請我哋,同埋嗰時唔熟呀嘛!點解依家開騷請你哋,就係因為熟囉。」

天佑稱兩隊都是同期出道的組合,盧凱彤笑言是2012年,反而二汶即謂:「嘩!你講遲咗10年,係2002先真。」隨即紅館上的大電視播出四人當年的合照,兩子稱是他們一齊參加第一次頒獎禮時,即讚at17外表沒有改變,而at17就回句Shine說:「你哋都冇變樣,但身材就變晒(肌肉男)。」二汶稱四人出道不經不覺已16年,雖然多年來大家都「唔太熟」,台下全場爆笑,盧凱彤就謂:「唔緊要,打吓邊爐就熟㗎啦。」二汶再謂:「相信在坐每個觀眾都係由同我哋唔熟,到同我哋好熟,叫做大家一齊大。」

之後又南用認真說兩隊都是往着自己目標向前直去沒有放棄過,而二汶即抵死說:「喺囉,我哋都係兩個人囉。」果然盡顯他們「不熟絡」的感覺,之後Shine落台後,at17表示:「識咗咁多年,我哋都變成咗唔熟,但係老朋友嘞,以下呢首歌送畀大家同Shine最閃亮的十七歲,而我都好高興好榮幸,係可以同shine係同一代歌手。」就唱出《The Best is Yet To Come》。

----------------------------
東網巨星開咗ig喇,大家快啲follow啦!
https://goo.gl/KGuo2N