名人：努力追二胎！諸葛紫岐想快啲再生B
20180304
東網電視
更多新聞短片
Marie同老公薛嘉麟出席活動。
娛樂公司老闆娘諸葛紫岐（Marie）與老公薛嘉麟出席活動，二人日前趁放假帶同囝囝薛華韜（Arthur）到日本旅行，Marie表示當地天氣寒冷，但未有滑雪，更取笑老公因為不喜歡滑雪而變肥。問新年有否儲肥老公？Marie說：「OK啦，都係正常，但我要照顧佢同囝囝所以冇乜變。」薛嘉麟則笑言：「冇80歲都唔畀飽飯佢食。」
冇所謂生仔定女
問今次旅行可有趁機造人？薛嘉麟表示：「有掛。」Marie坦言希望今年有好消息：「都努力緊，我都想快啲。」薛嘉麟續說：「咁要畀飽飯佢食，要加飯。」問到想生囝囝或囡囡？他表示：「仔女都OK，但最鍾意當然係媽咪（Marie）。」Marie則說自己比較喜歡生女：「如果生對Twins都好，可以收工。（有冇諗人工受孕？）暫時冇咁嘅需要。（親力親為？）呢啲係緣分，個感覺會好啲。（會減少啲周圍飛？）都冇影響，最緊要開心，不過老公都好忙。」當記者提議他們多去旅行放鬆時，Marie即刻對老公說：「Relex啲啦！唔好緊張，努力賺多啲、搵多啲。」
----------------------------
東網巨星開咗ig喇，大家快啲follow啦！