夠霸氣！黃智雯教你用港式英文抛窒對手
20180304
東網電視
更多新聞短片
無綫官方專頁將新劇重新配音成港式英文版，超爆笑！
無綫熱播劇《三個女人一個「因」》受全城追捧，而劇裏面擔正嘅黃智雯飾演患有人格分裂症嘅角色，一人分飾三角、真係少啲演技都唔得，難怪備受讚賞！黃智雯喺劇中嘅其中一個人格叫「菠蘿椰奶」，經常大騷流利英文，但作為香港人，梗係要講番地道嘅港式英文。有見及此，無綫官方專頁「See See TVB」亦將劇集重新配音，改為港式英文版大放笑彈！
條片將大鬧寫字樓嘅一幕重新配音，連反串做女角嘅袁偉豪都有份被惡搞。對白由正宗英文版「You Shut Up，Nasty Woman」變成地道版「Collect Your Voice」，直截了當叫人收聲，真係夠晒霸氣！不過點都唔夠李國麟搶眼，皆因佢嘅金句配音做港式英文版之後勁爆笑，好似「The people learnt and abandon the master」、「The last one left，worse than losing the family」呢兩句，就係「教識徒弟冇師傅」同「執輸行頭，慘過敗家」嘅意思，認真無厘頭！唔少網民大讚翻譯得好好，完全捉到港式英文嘅精髓，香港人實一睇就明，唔會搲晒頭。
同場加映嘅袁偉豪喺劇中嘅女裝打扮都引起討論，估唔到反串做女角嘅佢咁索，仲要着斜膊衫晒香肩，唔怪得一班（雄性？）網民都讚佢好靚，睇到流晒鼻血。
網民有話兒：
XXikaMaXX：袁偉豪好正，想引死人咩！
CaphyLaXXX：好想快啲睇到袁偉豪扮女人。
EriXXXHo：李國麟啲英文明明唔啱，但見到佢講又好有說服力。
X永康：全部都翻譯得好好。
----------------------------
東網巨星開咗ig喇，大家快啲follow啦！