遭貼大字報　導演李力持fb開腔回應

今晨在尖沙咀嘉蘭圍附近出現了多張大字報，當中有導演李力持的相、名字、一個地址以及兩個電話號碼，內容懷疑涉及發生於北京之糾紛。而在大字報的詳細文字版本中，聲稱關於2012年電影合作的糾紛等。

就此事向導演李力持查詢，他表示：「件事六年前，如果有合約合同，點解唔訴諸法律？喺度貼街招有乜嘢意思？我唔太清楚乜嘢情況。」之後導演李力持亦於Facebook發文講述事件：「你係傳媒你去求證啦，2012年，6年前之麻，好易查，好嘢你唔訪問我，一張爛街招關心我，多謝晒，查到話我知，唔該！仲有北京老千公司多，爭我錢都唔少，如果貼張爛紙可以解決問題，咁就不用法院律師啦！多謝。」