嫌自己老！何嘉莉唔肯再揸咪做歌手
20180305
東網電視
更多新聞短片
初出道嘅何嘉莉勁有玉女Feel，依家已經做人阿媽～
藝人何嘉莉為無綫節目《流行經典50年》錄影，佢話今次預備咗唱《兩種人》同埋《等》，問到佢上次公開唱歌係幾時，唱功有冇生疏？佢話：「對上次嗰次係伍樂城演唱會，好似係2013、2014年。自己平時都有唱開K。（有歌癮想做番歌手？）唔會，我係鍾意唱歌，但做唔到歌手啦！」
問何嘉莉是否打算做KOL？她說：「係呀，依家簽番公司（指英皇）都係做KOL，都係分享Keep Fit、扮靚、親子同埋時裝。（同仔女拍廣告得唔得？）都可以，如果唔影響佢哋，有咁嘅機會都可以。（係咪真係唔打算做歌手？）都可以咁講，今次同公司都係簽KOL約，覺得好適合我，咁我可以邊照顧小朋友，邊拍嘢，我呢啲年紀做唔到歌啦！」
講到何嘉莉去年9月誕下囡囡Zoe，佢話BB依家好肥好可愛：「個仔好錫佢，冇呷醋。（咁你出嚟邊個睇住佢？）老公同媽咪都有幫手，其實都OK，都係一日半日，我大部分時間都喺屋企邊照顧小朋友邊工作。」
----------------------------
東網巨星開咗ig喇，大家快啲follow啦！