囡囡大整蠱！鍾嘉欣大肚搭飛機成面貼紙

藝人鍾嘉欣早前宣布懷有第二胎嘅喜訊，並表示會暫時減少工作量專心安胎。呢日鍾嘉欣喺社交網上載咗一張同囡囡Kelly嘅新相，相中見佢面上貼滿貼紙，Kelly就伸出手仔，唔使講都知一定係Kelly BB「送」畀媽咪啦！網民都笑Kelly咁樣整蠱媽咪，大讚佢好得意，真係非常溫馨呀！

嘉欣仲趁住今日三八婦女節，祝所有女士們開開心心。不過就有眼利嘅網民留意到相中嘅背景疑似係機艙，問嘉欣係咪再帶Kelly嚟香港，亦提醒佢大肚婆搭飛機要注意安全呀！