極速撻陳瀅?羅天宇湯洛雯四年情玩完

20180309
東網電視
更多新聞短片
湯洛雯同羅天宇當時因拍《愛.回家》撻着成為情侶。
拍拖四年多的藝人湯洛雯和羅天宇分手四個月,有指男方跟陳瀅交往中,早前被拍到一齊去大牌檔食飯。對於羅天宇分手一事,他以短訊回覆東網承認分手,但就覺得連累了陳瀅,佢話:「我同阿湯的確因為生活上問題分開咗大概四個月,我哋一向喺感情上都希望低調,所以冇同大家講,我哋嘅分開係和平嘅,雖然我哋係分開咗,但係我哋仍然有繼續聯絡同關心對方,希望大家畀啲空間。(跟陳瀅拍拖?)覺得唔好意思連累到佢,大牌檔嗰日,我哋有七位朋友一齊食飯,並唔係撐枱腳。」湯洛雯與羅天宇在無綫劇《愛.回家》結緣而成情侶,去年10月天宇生日,女方更大方送吻,相片在網上大受關注,早已被認定為打風都打唔甩情侶,但最後卻分手收場,有指二人常鬧交,生活上未能協調。
其後,湯洛雯亦於社交網留言直認佢同羅天宇已分手一段時間:「是分開了,已經一段時間,但因為一直希望低調所以沒有公開。分開是共同和平達成的決定,箇中原因也希望保留在我倆心裡(裏)。希望大家不要胡亂猜測,也不牽涉其他人。大家不用擔心,我們還是兩個快樂的寶寶。」其實喺2月時湯洛雯就上傳自拍並留言指「Let it go」,睇嚟二人真係早已分手。
----------------------------
東網巨星開咗ig喇,大家快啲follow啦!