中港合拍片稱冠!林超賢豪使廿萬慰勞全隊

20180311
東網電視
更多新聞短片
林超賢喺香港進行謝票活動。
林超賢執導的英皇電影《紅海行動》自春節於內地上映以來、票房走勢強勁,口碑方面亦相當不錯,截至今日累積票房錄得超過33億3千萬人民幣,林導更有望成為中港合拍電影最高票房紀錄的導演,可喜可賀!林導今日下午亦聯同該片監製連走兩場戲院謝票,並與現場觀眾互動,林導甫一進場即向觀眾表示自己首次於香港進行謝票,故心情相當興奮。
兩日内破周星馳紀錄
《紅》片於內地取得空前成功,香港方面亦收超過600萬票房,該數字已打破當日林導《湄公河行動》的票房,他說:「呢33億3千萬對團隊嚟講有特別意義,成為咗內地春節檔票房冠軍,要打破周星馳《美人魚》嘅33億9千萬票房就仲差5千萬,但我有信心兩日內可以破。」他更指本月16日將到北京舉行慶功,香港方面就等候老闆楊受成的安排。
再同彭于晏合作
談到日前豪花廿多萬請團隊到東京旅遊,林導坦言全程冇休息,皆因要為大隊安排食宿、租車等,相當忙碌,故望稍後能找個地方,放空自己數天以整頓心情,不過小休過後便將籌備新片拍攝。據知林導將與彭于晏再度合作,拍攝一套於海上取景的作品。對於新片成為內地春節檔票房冠軍,林導不諱言身心疲累,不過上映後獲不少朋友傳來短訊講恭喜,他說:「我依家要還飯債!(會唔會原班底再合作?)劇組有個群組,我同佢哋講任務完成、打完仗,佢哋就話大家拍得好開心,所以隨時候命嘅。其實內地第一日上映係票房包艇,之後每日好似角力賽咁拉票房,依家就似跑完一場馬拉松咁。(之後拍戲大壓力?)壓力每次都有,開心係觀眾對我有信心,希望以後作品可以由心開始拍觀眾鍾意嘅嘢。(加價?)一定要加!(合約冇講分紅,擔心冇得分?)冇寫都應該有掛,唔一定要寫明,希望電影商明白,我拍到得番半條人命。(之後執導電影有咩條件?)首先希望用我想拍嘅人,同埋唔好限制資源及時間,我想以質量取勝。」
----------------------------
東網巨星開咗ig喇,大家快啲follow啦!