鬧到黃翠如喊！洪永城：喺心目中有特別位置
20180314
東網電視
更多新聞短片
洪永城同黃翠如向來都老友鬼鬼，呢日翠如發文感謝老友。
藝人洪永城同黃翠如向來都老友鬼鬼，當年喺有線嘅時候佢哋已經成日合作，轉過去無綫之後仲傳過緋聞，唔少網民都認定佢哋兩個係一對。佢哋兩個大大話話已經相識十年，翠如今日喺社交網站有感而發，寫低對老友嘅感受。翠如話洪永城係對佢最惡嘅朋友，事關洪永城覺得翠如身邊嘅人都太錫佢，仲大爆洪永城試過鬧到佢喺條街度喊唔停添！不過翠如都表示好慶幸識到洪永城，仲話彼此早已成為對方嘅字典，好多嘢唔使講都明。而身為當時人嘅洪永城亦都有留言回覆：「就係因為惡，我先可以喺你心目中有特別嘅位置呀嘛。」唔少網民都話佢哋兩個係最佳損友，仲話好想睇到佢哋兩個再合作添！
翠如留言：「呢位男子。佢係對我最惡的朋友。他說：『你身邊的人，包括你男朋友，都太錫你，所以我要對你惡。』係，有幾次，在電話中，比（畀）佢凶（兇）狠而直接地說穿了我的問題，令我一個人在路邊不停喊。十年友誼，早已變成了對方的惡爺，互相直指對方的缺點；也成了對方的字典，你不用說，我明。多謝給我們一個日本旅遊時間相聚。好，洪永城，將來有機會一起拍節目的話，再戰。#十年友誼遊糀園 #旅遊節目拍檔 #由2變3」
----------------------------
東網巨星開咗ig喇，大家快啲follow啦！