黎明「新歡」疑有喜!好友雷頌德話唔驚訝

20180315
東網電視
更多新聞短片
Mark話唔知黎明「新歡」Wing係咪有喜!

音樂人兼黎明(Leon)好友雷頌德(Mark)現身藝術展,對於有傳黎明的「新歡」助手Wing懷孕六個月,問到Leon是否將榮升爸爸?他表示:「我真係唔知,唔係守口如瓶,你問番佢本人啦!(Leon同Wing係咪拍拖?)真係唔知。我識Wing,一齊合作過,以前有好多歌手都係佢負責,好似李治廷同JW,但最近冇見佢。(Wing依家打晒骰?)我真係唔知。Leon依家喺內地拍嘢。(你聽到呢個消息驚唔驚訝?)如果係真,唔會驚訝。(會唔會恭喜佢?)邊個朋友都會恭喜。(打電問佢?)我唔敢,佢唔鍾意我喺出面聽完啲嘢問佢。(怕佢話你八卦?)係。」

另外,是次展覽中展出Mark的13幅作品,Mark稱畫畫純為興趣,中學時已開始畫畫,問到小朋友有否學繪畫時?他說:「佢哋有學,其實鍾意一樣嘢肯多啲放時間落去就得,唔一定要上堂,如果將來小朋友想學相關歷史,都好鼓勵佢哋去藝術學校讀書。」Mark透露幾年前開過個人藝術展,但自問作品不多,因為要花很多時間:「我好鍾意畫畫,我諗要退休先會畫,因為要時間同心情,一幅畫要花幾日畫,全部作品都係我嘅家人同屋企嘅寵物。」

----------------------------
東網巨星開咗ig喇,大家快啲follow啦!
https://goo.gl/KGuo2N