靠樂基兒「上位」　周秀娜出寫真為拍戲

被指是「?模始祖」的周秀娜，在電台錄音訪問中談入行多年經歷過的事，周秀娜初出道時冠以「翻版樂基兒」，甚至被要求與「正版」樂基兒同場出席活動。對此，她直言當時被要求跟樂基兒合照甚為感尷尬：「嗰時咩都唔識，覺得有工作就做。嗰次我根本唔知道Gaile（樂基兒）喺邊度，所以合照嘅時候，我係有啲尷尬，怕被誤會『博出位』。」被問及喜歡這稱號與否，周秀娜坦言當時感覺「一半一半」，但這稱號卻為她帶來很多，她說：「我都唔知道點解大家都對『翻版』咁有興趣，我從來冇諗過呢個名字會畀我帶嚟咁多機會，久而久之又會覺得每次出嚟都要加『翻版』兩字，係咪永遠都冇自己個名呢？我自己最初係唔甘心，不過呢個名確實為我帶嚟好多機會，人哋好快就記得我。因為跟之前有對比，擁有呢個名後，我嘅工作範疇變咗好多，呢個名，好快帶畀我好多！」

為拍戲而出寫真

2009年，周秀娜於書展推出個人寫真，曾掀起哄動全城的「周秀娜現象」，風靡一眾宅男之餘，就連大學也邀請她出席講座。談及當年是否以「性感寫真」手段出位，周秀娜指自己跟性感扯不上關係，因為從小到大男仔頭，但她亦大方承認，當年出寫真，目的是令更多人認識自己，從而爭取拍電影的機會，她說：「寫真係我自願出嘅，但冇諗過反應咁大！出寫真係當年成名嘅途徑，因為我好喜歡拍電影嘅感覺，出寫真集係想有一個機會先畀大家認識我，從而有機會去搵我拍戲。因為未正式出道前，有不停做好多Casting，做咗好多唔同嘅特約。我發覺自己係好甘願喺片場入面，所以我就知道自己想要咩。但如果要爭取更多機會，我覺得當然係要先畀人哋認識我。嗰時我冇諗太多，只係覺得（寫真）出得到嘅話，或多或少都可能有啲幫助，應該可以有更多唔同嘅工作！」周秀娜目標清晰，難怪數年間她已成為「電影圈娜姐」，更可拍住樂基兒一起做電影主角，還首度候選金像獎最佳女主角。

----------------------------

東網巨星開咗ig喇，大家快啲follow啦！

https://goo.gl/KGuo2N