李添勝無意再監製劇集：依家生活OK

前無綫金牌監製李添勝到坑口出席新書發布會，他透露於將軍澳區住了29年，與村長及原居民很熟絡：「佢哋好好人，成日有盆菜食都會叫我去食，捉到海鮮又畀我。」

退休將近兩年的李添勝笑言現時生活舒適：「都OK㗎！初初有少少唔慣，但好快適應。（想再監製劇集？）唔會啦！真係唔做！啲幕後工作人員間中都搵我飲餐茶食餐飯，幕前就冇接觸。有聯絡都係幕後嗰班人，幕前藝人冇聯絡。」