李菁追思會　凌波落淚憶故友

有「娃娃影后」之稱的60年代邵氏花旦李菁上月被發現暴斃家中，享年69歲，今日邵氏在香港電影資料館舉行李菁的追思會，同場播出李菁榮登亞洲影后的電影作品《魚美人》，不少昔日邵氏藝人也有出席，包括凌波與老公金漢、狄龍與太太陶敏明、姜大衛與太太李琳琳、邵音音等。而大會有派發紀念冊，凌波、金漢、狄龍、姜大偉、鄭佩佩、馬海倫等也有在紀念冊中撰寫悼文懷念李菁。

邵氏花旦凌波戴着太陽眼鏡現身李菁的追思會。接受訪問時，凌波便悲從中來，更忍不住落淚，她邊哭邊說：「覺得佢好可憐，佢係一個好好嘅主女角，我同佢合作過好多套戲，見佢咁辛苦咁走都戥佢好難過。我同李菁第一套合作就係《魚美人》，最後一套合作係《新紅樓夢》。（對佢最難忘係咩﹖）佢好聰明，導演叫佢做乜，佢一學就會，一學就到位，真係好難過，見到佢今日咁嘅樣。」