BB出咗世喇!楊潮凱升呢做爸爸
藝人楊潮凱2013年同圈外女友江玉儀拉埋天窗,去年10月就喺社交網宣布造人成功,話咁快BB就出咗世啦!今日楊潮凱喺社交網宣布喜訊,佢晒咗張抱住BB嘅相,並留言多謝太太為佢生咗呢一個咁可愛嘅小天使:「感謝神,賜給我這可愛的小天使。多謝太太,承受了這極大的痛楚,我愛你。小天使,你要身體健康!快高長大啊!爸爸媽媽永遠愛你!」

相中見楊潮凱好肉緊咁錫錫懷中嘅BB,真係隔住個mon都feel到濃濃嘅父愛呀!一班網民都紛紛送上祝福,仲留言問呢一個小天使到底係小王子定小公主添!