否認髮線上移 胡杏兒:我啲母乳好肥

20180319
東網電視
更多新聞短片
胡杏兒話:「我啲母乳好肥…」餵到阿仔好重磅。

藝人胡杏兒出席活動,獲現場一名外籍男童錫錫,她即時母愛大發,與男童鼻碰鼻。提到現時6個月大的兒子,體重已差不多20磅,跟朋友的1歲BB差不多大,她仍然餵哺母乳,並笑言:「奶奶都話可能我啲母乳好肥。」令BB變得重秤。

她說:「不過開始要開工,所以都要考慮揀奶粉。(幾時要戒?)慢慢少啲,等佢適應,但餵母乳係一個幾開心嘅過程,我都驚自己遲啲唔捨得,不過冇辦法,四月要拍電影,好彩喺香港拍。四月婚紗店喺上海開都好忙,呢個月都飛上海三次,要冰定啲奶,拎返嚟香港,依家係一個母乳達人。」她說無論幾辛苦,見到BB一笑已經好開心。

老公顧住讚我廚藝好

胡杏兒揚言BB好得意,生多幾個都唔緊要。問造人大計?她說:「Keep住做,總之把握好機會,夾好日子,最緊要養好身體,生完BB之後覺得人體好奧妙,恢復得好好。」問想生仔定女時?她表示看見別人的囡囡着衫好靚又好羡慕,不過認為身體健康最緊要。

談及杏兒老公李乘德昨日Po了一張杏兒髮線上移的照片,她說:「我不嬲都係咁,可能大家冇乜留意,呢個係爸爸遺傳畀我,所以唔使擔心,我知有啲人生完BB會有呢啲情況(脫髮)。(叫老公影好啲?)佢係冇留意我靚唔靚,佢係想讚我廚藝,冇乜所謂,呢個係最真實嘅我。」


----------------------------
東網巨星開咗ig喇,大家快啲follow啦!
https://goo.gl/KGuo2N