黎明做老竇　前妻樂基兒：生多幾個！

天王黎明今日在社交網站上坦承榮升人父，前妻樂基兒亦戥對方高興，她接受東網訪問時，被問到知否黎明已承認做老竇？她坦言：「我唔知，不過今日好多人打畀我，突然又關我事。總之恭喜佢，希望BB好得意，生多幾個，祝佢哋順順利利生個健康BB，好戥佢開心。（會唔會傳個短訊恭喜佢？）唔會，不過等BB出世之後，會送份禮物。（送乜？）未知，都未知係仔定女。」

問到是否認識黎明的新歡助手阿Wing？樂基兒表示以前有見過：「我以前都係同公司，個女仔我都識。（對阿Wing印象點？）佢幾好吖。（啲人話阿Wing似你？）咁一定唔似啦，我覺得亞洲人都差唔多樣，好以我出道時啲人都話我似舒淇，我都唔似舒淇，可能個女仔似舒淇呢！同阿Wing唔係太熟，當時佢唔係跟我，喺公司成日見，覺得佢斯斯文文。（黎明同阿Wing襯唔襯？）我唔識講，總之我會祝福佢哋。」

而曾與黎明傳緋聞的周海媚（海味）現時於橫店拍戲，海味的經理人接受訪問時坦言個人就恭喜對方，更指相信海味也會，不過經理人指此事與海味沒有關係，故她不會作回應了。

----------------------------

東網巨星開咗ig喇，大家快啲follow啦！

https://goo.gl/KGuo2N