阿仔唔讀醫唔做律師攻哲學　森美眼都凸

藝人森美穿上充滿蘇格蘭特色的格仔西裝出席洋酒活動。問可有去過蘇格蘭？他說：「我未去過，但計劃同太太一齊去，因為我哋都愛策騎，諗過去蘇格蘭嘅古堡，嗰度有大草原、又可以去酒莊，都好浪漫。（會唔會暑假去？）暑假唔會喇，暑假因為阿仔會返嚟香港，諗住暑假同佢去滑雪，可能去紐西蘭滑雪，趁佢仲細肯跟我哋一齊去旅行嘅時間就多啲一齊去旅行。」

森美的兒子現年15歲，在英國讀書，復活節假剛回港，阿仔讀書成績彪炳，問可有想過大學挑選的科目？他說：「我都有問過佢，問佢會唔會想讀醫或者讀律師，但係佢竟然話想讀哲學，我都即眼凸，仲問佢知唔知哲學係咩。（你想佢讀醫？）咁正常讀醫係專科，啲人會覺得係最好、最穩陣，不過諗諗下好多嘢都係哲學嚟嘅，將來讀啲乜其實都冇所謂，最緊要對佢有信心。」

飲醉酒鍾意講英文

此外，問森美是否飲得之人？他表示喜歡威士忌，如女人鍾意香水一樣：「鍾意用嚟品嘗，但係就唔會飲太多，因為好驚飲完第日頭暈，酒精嘅感覺。（有冇試過飲醉咗酒出醜？）出醜就真係未試過，因為我一去到飲多咗，唔再享受飲酒嘅感覺，我就會停，試過一次飲醉但係都係想瞓覺同埋最鍾意講英文，不停咁講英文。」

----------------------------

東網巨星開咗ig喇，大家快啲follow啦！

https://goo.gl/KGuo2N