重視親子！朱凱婷唔想Miss咗囡囡童年

藝人朱凱婷（Heidi）為積木橋展覽開幕活動擔任司儀，對於運用26萬塊積木砌成全球最高積木橋，Heidi表示經常與囡囡林穎彤玩積木共享親子樂，今次擔任活動司儀零舍興奮，早已帶同囡囡前來觀摩及拍照：「每年我哋都會買大型嘅project砌，之前砌過城堡，嚟緊會砌摩天輪。（囡囡有creative？）好過我，我係要睇指示去砌，但佢唔使，有次佢同嗲哋合力砌咗個粉紅色嘅巴黎鐵塔送畀我，好開心！」Heidi表示就算忙於工作，她也十分着重親子環節：「除咗司儀工作，媽咪工作仲忙，我希望可以同囡囡一齊去經歷童年，佢經歷嘅唔係我以前經歷嘅。（追多個？）冇壓力，冇特別去追，一切隨緣。如果個天再畀多個女我，我會好開心！」