最瘦得80幾磅！菊梓喬流感好番晒低胸
20180323
東網電視
更多新聞短片
菊梓喬早前患上流感。
歌手菊梓喬（Hana）出席電器零售商活動，身穿低胸晚裝裙的她笑言自己難以性感：「呢個性感咩？但冇嘢睇喎，尊重場合啫，佢哋好好請我唱歌，所以揀件同平時有少少唔同嘅衫。（有做安全措施防走光？）點都會黐啲膠紙，但我唔係好怕，又唔係好宏偉！」至於憑《忘記我自己》獲頒「給力電視劇片尾歌曲獎」，Hana開心說：「今年第一個獎，好似所有嘢都重新開始，冇諗過咁快攞獎。」她坦言多謝公司及老闆何哲圖，因為對方發掘其聲音，還選擇很適合她的歌曲。
原來好大食
提到正在錄製新碟，Hana指公司想她錄完整張碟才做其他工作：「仲爭兩首。（點解咁安排？）因為我上年身體太差，平時出騷都可以頂，但錄音就頂唔到，所以趁我狀態好同未病就錄咗先。」她透露過年期間亦患上了流感，幸好體重已有回升：「我瘦咗10磅又肥番10磅，依家差唔多100磅，最瘦得80幾磅。我好似抗體特別差，嗰期興咩病我就有咩病！（你食量唔少？）公司啲人成日話我一日食七餐，不過我屋企人都偏瘦，啲人話我瘦到成棚骨！」
----------------------------
東網巨星開咗ig喇，大家快啲follow啦！