視力超乎常人！恆仔做完激光矯視變「鷹眼」
20180323
東網電視
更多新聞短片
恆仔早前進行激光矯視手術。
樂隊ToNick出席電器零售商活動，主音趙善恆（恆仔）指主辦方點唱他們較少唱的《回憶備份》，大讚對方識貨。至於新歌《小明少少明》的MV就正在如火如荼地準備中，會與之前的MV不同：「之前好多故事性，今次會用鏡頭表達首歌，因為想挑戰新嘢，帶新嘢畀觀眾睇，亦都搵咗個導演合作，同佢睇咗好多片，消化咗首歌好耐，諗咗呢個方法拍我哋都好期待。（當係之後拍電影嘅練習？）會呀，希望透過創作同音樂認識多啲朋友，睇吓之後可以一齊做啲咩。」
眼睛望閃光燈會痛
說到恆仔日前進行激光矯視手術，他謂現在視力清晰了：「醫生話我比正常人好少少。」成員晨曦、小龜和Ryan即笑指他現在目光比較遠大，連人的內心都看到。恆仔指手術後初時看到閃光燈，眼睛就很痛：「不過瞓咗十幾二十個鐘，起身就變咗『鷹眼』。其實應該戴黑超，不過戴住出騷會易甩。」
小龜已拆線
早前手指受傷的小龜就透露已拆線，但要個多月才可回復本來的能力：「我已經練到其他手指做更多嘢，表演都冇乜問題。今日有首歌我受傷之前練過，依家其他手指進步咗，我可以彈得番首歌，好開心。（大家好欣賞你三指Solo！）對自己係個鍛煉，好多嘢以為冇可能，但原來係得嘅！」
----------------------------
東網巨星開咗ig喇，大家快啲follow啦！