證件相出晒事！張繼聰北上被「扣查」
20180324
東網電視
更多新聞短片
勁爆笑！！！
藝人張繼聰呢日突然拍片，自爆每一次返內地工作都會被「扣查」，原來係因為證件相「出事」。佢回鄉證嘅相係四年前影落，當時嘅佢拍緊《老表，你好hea！》冇留鬚，同依家有好大分別，佢笑言過關時成日聽到後面有人講：「張繼聰畀人拉咗喎！」跟住就被叫出示身份證，點知仲大鑊，因為身份證嘅相係十幾年前影嘅，導致佢次次都要被帶入房解釋！佢講笑話：「我嘅工作夥伴甚至我，都唔係好相信呢三個人係同一個人嚟嘅！」不過由於證件仲有排未到期，所以呢個情況短期內唔會有改善，佢仲笑言：「我喺度澄清一次，我冇走私，冇畀人拉，我只係證明唔到自己嘅身份。」
段片一出，即引起網民關注，仲紛紛話想睇佢嗰兩張證件相。而張繼聰亦好快找數，佢公開咗嗰兩張證件相，相中嘅佢睇落比依家青春，難怪佢自己都話完全認唔出係同一個人啦！
淆底刪Post
點知冇耐，阿聰竟然淆底刪咗兩張相，跟住佢就再出Post話：「Ok，我認我淆所以之前刪除咗呢個post ? 點知…比（畀）媒體報道左（咗）???♂️咁算啦，再甫過???祝大家以後事事都順利『過關』?」佢拍片再話每次攞住回鄉證都心虛，但都會「盡力過關」，例如用唔同表情，好似笑吓、認真啲、扮精神，結果都係得一個，就係「入房」！佢睇到網民留言話要扮瘦先過到關時，仲忍唔住傻笑，搞到大家都邊睇邊笑呀！
----------------------------
東網巨星開咗ig喇，大家快啲follow啦！