戥黎明開心!JW聞Wing「情史」:唔係呀話

20180325
東網電視
更多新聞短片
JW戥黎明做爸爸開心,講到阿Wing嘅「情史」佢就話:「唔係呀話!」

歌手JW(王灝兒)身穿黑色低胸lace透視裙,性感出席遊艇活動。不過見她表情辛苦,狀甚不舒服,走路時不時用手掩肚,步伐緩慢,她解釋是「食錯嘢」所致,她指前日星期五(23日)晚到尖沙咀一間壽司店進食後出事,以致又屙又嘔,她辛苦表示:「尋晚我以為自己冇嘢又食番嘢,點知又唔掂。(前晚食錯咩?)食咗啲壽司、魚生。(睇咗醫生未?)未呀,陣間一定去睇。(會唔會追究間壽司店?)應該都會㗎喇,依家咁樣嘅情況,因為我朋友都有嘢,所以都要做啲嘢。」問到男友可有心痛她?她苦笑:「佢自己都有事,所以我哋一齊互相照顧。」

黎明一定係好爸爸

另外,講到前老闆黎明即將榮升爸爸,她即面露笑容,表示:「真係戥佢哋開心!(有冇覺得突然?)都冇,呢個係人生其中一個階段。」問到黎明與女助手Wing搭上可有感到嚇親?她表示:「唔會嚇親,緣分呢啲嘢冇得講,戥佢哋開心。(覺得黎明會係好爸爸?)佢一定係,肯定係。」

祝福佢哋

她亦謂之前跟Wing是同事,講到有傳Wing曾與李治廷拍拖,之前的男友又是富二代,她即謂:「唔係呀話,我覺得唔需要理太多呢啲新聞,最緊要祝福佢哋,做媽媽最緊要好健康、好開心,畀佢喺開心環境下養胎。」問到有否send message恭喜他們?她謂:「真係未,遲啲呀。」

唔吼遊艇

至於講到同場有很多遊艇,問到可會叫男友買番架?她笑言:「唔好啦,咁貴,但我哋有朋友有,所以得閒可以用吓佢架船。」而原本JW要在活動上獻唱,但因她不舒服,故改由同公司的關楚耀唱3首歌。

----------------------------
東網巨星開咗ig喇,大家快啲follow啦!
 https://goo.gl/KGuo2N