4月開騷！陳秀雯Un床通淋巴減壓

藝人陳秀雯（Amy）、蔡楓華、葉振棠、李龍基、劉雅麗（Alice）的《真．經典演唱會》將於四月舉行，他們均為演出準備得如火如荼，其中陳秀雯和劉雅麗接受東網訪問，交流收身法及台上靚靚性感歌衫，陳秀雯揚言是她演唱以來最性感的造型，而劉雅麗則自嘲她的「消極減肥法」其實好Hea，只是食少啲嘢和做小小運動，不過。對養生甚有心得的陳秀雯，則用跳彈床來通淋巴和減壓，她說：「我學香薰期間都有睇到啲相關資料，跳彈床都可增強淋巴排水，我訂返嚟放喺公司，攰就上去Un，15分鐘都好有效，又唔傷膝頭！」

「咬你﹑食你…」

講到陳秀雯於80年代的經典歌《甜蜜如軟糖》是不少人的回憶，她說：「呢首歌唔係主題曲唔會唱，但真係好多人問我，連何守信都問我會唔會唱，其實呢首歌當年有個故事，歌詞被指意識問題而被列為咸濕歌，當中歌詞『咬你﹑食你…』搞到我唱時都有啲心理障礙，雖然填詞人林振強去世，但早年我哋喺街遇上，我都忍唔住問佢，佢望住我笑，然後講咗一句『你話呢！』就冇再答其他！」

悼念張國榮

演唱會舉行首場正值「哥哥」張國榮逝世15周年，劉雅麗表示會唱《明星》悼念，而李龍基就會唱《儂本多情》。另外，劉雅麗當然不少得她的首本名曲《我和春天有個約會》，她自爆這歌不為人知的秘密：「其實呢首歌當年只係幾千蚊被賣斷版權，我自己當年係新人乜都唔識，否則，之後不停被翻唱，我可能賺唔少！」

劉雅麗髮型：DICKY LAM@i HAIR

場地:香港沙田凱悅酒店

----------------------------

東網巨星開咗ig喇，大家快啲follow啦！

https://goo.gl/KGuo2N