可宜做電影大獎司儀　學定泰文印尼文

藝人可宜（Natalie）最近為「第十二屆亞洲電影大獎」擔任紅地氈司儀，她說：「今次係第三次做亞洲電影大獎司儀，每次心情都既興奮又緊張，由揀衫開始已經要花工夫，唔可以太失禮，事前準備工夫都要好足，紅地氈上過百人，都要分清邊啲係提名，邊啲係嘉賓，因應唔同人問唔同問題，最考起嘅係認幕後人員，香港還好，外地嗰啲需要時間認。」

Natalie又表示當中有一些泰國、印尼電影，其片名發音考起她，她笑說：「望住都未必識讀，事前要學發音，同埋有時網上照片同現場真人見到係兩個樣，可能電影入面佢做街邊少年，但真人勁型仔！」她亦指過程充滿滿足感，因可以在短時間內跟最Top的電影人聊天，而今年最令Natalie留下深刻印象的就是劉嘉玲，她說：「嘉玲姐套衫太犀利，令到我對眼係咁望！」完成澳門行之後，Natalie就要趕回港繼續為ViuTV節目進行錄影，相當忙碌！