張敬軒紅館個唱門票開售　兩小時售罄！

近日掀起一輪搶飛熱潮，繼周杰倫、黃子華出現一票難求的情況下，今日輪到張敬軒個唱正式公開發售，一早已盛傳「絕望座位表」會再次出現。

睽違四年，軒仔將於今年6月15至17日，第四度假紅館舉行《HINSIDEOUT張敬軒演唱會》，據知軒仔個唱3月初預訂時已經「爭崩頭」，所有優先訂購的門票被秒殺，內部訂購超額3倍，而3場門票今起10時正式公開發售。

今早於尖沙咀售票處已經出現人龍，排頭幾位粉絲表示為了能搶得最佳位置，昨晚已在售票處通宵留守。對於早前流出一張疑似演唱會座位表，被一片黑海佔據，只剩五分一的座位公開發售，粉絲直呼感到擔心：「因為見到好多黑色，好擔心買唔到飛，尋晚睇完佢嗰live就嚟排。」而現場所見，開放賣飛的座位數量不多，門票約於開賣後兩小時被搶購一空。問有冇絕望的感覺？軒仔多年的粉絲坦言：「都有㗎，所以依家好希望佢會加場。因為我哋係買嚟自己睇，好希望見證佢每一次演出。」

粉絲網上發帖求票

而位於大埔的售票處人龍亦長至後樓梯，其中一位趕在上班前來購票的女士說：「雖然我冇追星嘅習慣，但我真係好想入場聽張敬軒唱歌，佢不時擺上網嘅片，到尋日網上直播唱歌，覺得佢有gimmick（噱頭）得嚟又好唱得。（如果買唔到飛會唔會好失望？）會呀！後樓梯咁焗，我都堅持排喎，真心想入場支持。」

多位網民在社交網站發帖表示：「前面仲有幾十個人嘅時候已經話冇飛 到依家前面得幾個人我都排緊隊唔肯走，萬一呢」、「連網址都入唔到呀張敬軒」、「幫我點首《絕》張敬軒演唱會版⋯⋯甚麼叫絕望　抬起眼望望」、「10點開始開賣，07分職員宣布所有場得番單丁位　堅持唔走繼續排⋯⋯今時今日喺香港睇演唱會真係一票難求」。

就歌迷希望加場的訴求，以及對於「絕望座位表」再現，英皇娛樂演唱會部馮貽柏回應：「多謝大家支持張敬軒，密切留意明天演唱會嘅加場消息！」

----------------------------

東網巨星開咗ig喇，大家快啲follow啦！

https://goo.gl/KGuo2N