醉酒尋親!秋生爆哥哥廣東話名叫「木頭」

20180327
東網電視
更多新聞短片
真係開心喇!

影帝黃秋生去年開始進行尋親大作戰,曾經接受英國廣播公司(BBC)訪問,生長於單親家庭的他,父親在他4歲時掉下他和母親在港生活,而今日BBC報道秋生終於尋親成功!BBC播出的片段當中,秋生與兩個同父異母的孖生哥哥見面,秋生亦在訪問中表示自己兄弟重逢後,成個人都改變晒!

今日秋生接媽媽出院,順便分享同兄弟重逢嘅喜悅!問到佢幾時同哥哥們見面?佢話:「上星期嘅事喇,陪咗佢哋一個星期,四圍去玩,好開心,佢哋都返咗澳洲。」今日秋生係陪媽媽出院,媽媽心臟同肺氣腫所以入院,依家好番所以出院。講到同媽媽一齊見哥哥嗰日,佢就話:「平時阿媽都冇咩反應,嗰日佢就係咁嗯嗯嗯咁應我。」

講到嗰時fb發文尋父,秋生話冇諗到係work嘅,唔係真係諗住會搵到,依家好似中六合彩咁,仲自爆發文嗰日係飲醉酒添呀!佢話:「BBC見到個post好有興趣,幫我做咗個訪問,出街之後兩個女士幫手搵資料,當時我喺英國做緊嘢,佢哋每兩日UPDATE資料畀我,好神奇。」

見到哥哥有咩講?秋生話:「都係How are you?Welcome to Hong Kong!嗰啲囉!(佢哋識唔識廣東話?)佢哋識識哋,佢哋喺香港大,17歲先返英國,佢哋叫自己做『木頭』!」問到會唔會帶埋媽媽去澳洲再見佢哋,秋生話:「唔會喇,唔搭得飛機,我自己去,佢哋嗰邊有成廿幾人,梗係同佢哋燒嘢食啦!」

----------------------------
東網巨星開咗ig喇,大家快啲follow啦!
https://goo.gl/KGuo2N