名人:仲想追個女 諸葛紫岐爆仔仔愛洋妞

20180328
東網電視
更多新聞短片
諸葛紫岐得閒要帶仔仔同城城囡囡聯誼吓喇。

名媛諸葛紫岐(Marie)今日喺觀塘apm出席「apm彩蛋藝術館隆重登場暨LINE FRIENDS強勢進駐apm記者會」,與新鴻基地產(中國)執行董事馮秀炎齊齊主持揭幕禮。早前患上骨膜炎嘅Marie今日着波鞋示人,佢話:「今日ok,着波鞋都好Fashion,奶奶好好,帶我去睇物理治療,好開心,好錫我。(佢擺個孫係第一位?)梗係,正如我都好錫個仔。(奶奶會唔會寵佢?)男仔唔可以寵,唔可以一嘢畀佢成功,不過老人家寵少少係OK嘅。」

問到Marie鍾意邊個天王巨星,佢話鍾意郭富城,問佢會唔會同城城對親家?佢話:「呢啲嘢要睇小朋友意願,呢啲要睇仔仔嘅緣分。(搵新抱要求?)對我好,唔好激我,唔好同我嘈,尊重老人家好緊要,要心地好。」

Marie話仔仔鍾意混血同鬼妹仔,一見到佢哋就會行埋去:「佢鍾意金髮女仔,不過老爺奶奶比較傳統,鍾意中國人,遲啲小朋友大啲,到我就可能open啲。(但你咁鍾意城城真係唔諗住對親家?)城城好好,可以遲啲一齊玩見吓面。(留家傳之寶畀仔仔?)都會留番畀佢,希望會有個女,如果唔係否則都係留畀新抱,最緊要都係開心、孝順、心地善良同對人好。」