甩唔到咁搞笑！姚瑩瑩焗戴殭屍牙返屋企

尋晚嗰集《愛‧回家之開心速遞》劇情講因為「KC」歐瑞偉畀人打，搞到得番5歲智商，但最後佢都成功變番正常人，不過就忘記咗同「Helen」姚瑩瑩拍過拖嘅回憶，所以姚瑩瑩千方百計，以激將法扮歐瑞偉最驚嘅殭屍，睇吓可唔可以勾起佢嘅記憶！

原來拍攝呢場戲嘅時候，姚瑩瑩自爆原來有一邊嘅殭屍牙甩唔到，搞到第二日都要帶住隻牙去開工，佢仲興奮到自拍張相擺喺社交網同網友分享，她留言：「有樣趣事同大家分享，當我拍完場殭屍戲之後，發現甩唔到一隻殭屍牙！KC好好請我飲咗杯熱咖啡以為佢會甩！點知都唔甩，惟有帶佢返屋企因為第二日仲要繼續開工！」

----------------------------

東網巨星開咗ig喇，大家快啲follow啦！