最狂亞姐!伍詠薇被任達華話不顧形象

20180330
東網電視
更多新聞短片
伍詠薇出席「A記同學會」聚餐。
藝人張文慈、伍詠薇、江美儀及陳啟泰等晚上到尖東出席「A記同學會」聚餐,場面相當熱鬧。首次出席該活動的伍詠薇坦言:「我94年離開亞視,有好多前輩同後輩,我就比較怕醜、擔心唔知嚟到同邊個玩。坦白講係仔先叫得郁我,今次嚟主要係同幕後班仔聚舊!」
伍詠薇回憶當年在亞視的開心歲月謂:「我係最瘋狂嘅亞姐,以前拍劇用背心膠袋入住對拖鞋周圍行,畀任達華話過唔顧形象,又被Crew攞咗去放喺燈糟整蠱我。當年拍劇拍到天昏地暗,我就喺片場露天街喉洗頭,廿零歲嘅歲月係開心嘅,當年我套《還看今朝》有25點收視㗎!」
談到未來工作,伍詠薇表示正和數個平台傾談接洽中,稍後有公布,而她早前為電視台到東京拍攝特輯,錄得全台最高收視,教她開心不已。
----------------------------
東網巨星開咗ig喇,大家快啲follow啦!