人生交叉點！陳俊堅放棄紮職　轉行做演員

電視劇《三個女人一個「因」》在網上反應甚好，多位演員演出都獲讚，即使是單元人物亦得到注意，早前客串扮演「莊源」的新人陳俊堅，晒舞功之餘，又要跳樓爆喊，演技獲網友激讚！其實陳俊堅原本是舞蹈藝員，2007年加入TVB做Dancer，之前是跳Break Dance，到2013年他轉做演員，難怪他在活動上與女主角黃智雯表演現代舞，舞技出色。

問到為何當年會決定轉做演員？陳俊堅說：「其實跳舞方面係有機會，排舞師想升我做排舞，但我諗係咪要一世都跳舞呢？自己想試下做演員，於是膽粗粗試下，我覺得做演員要有好多內心戲，對我嚟講係好難，好多嘢要磨練。（今次拍《三》劇有冇難度？）難呀！請教咗好多前輩，有成日喺屋企練戲，但唔喺屋企練啦！以免嚇親家人，仲有嗰場跳樓戲都好難忘，得一條威吔，但我相信武師，睇落好危險，其實安全嘅。（之後有咩目標？）希望有更多機會演特別角色，同埋有感情線，嚟緊喺《危城First Lady》演一個吸鴉片嘅咕喱，希望發揮得好。」