陳輝陽組第三代治愈式「CFY28」

音樂人陳輝陽今日帶同新人歌手秦馨敏（Emily）及游偉欣（Lydia）到電台宣傳月尾在伊館舉行的女聲合唱音樂會，是由28位女聲環迴歌唱陳輝陽的音樂作品。今次已經是第三次舉行，每一代的成員名單都會有所變動，陳輝陽笑言：「大家唔好誤會，我唔係想做AKB48！」Emily就講笑：「可能係陳輝陽CFY28。」

第三代「CFY28」

陳輝陽說來到第三代，為求創新，除了做全新的節目鋪排，亦首次加入劇場元素，用歌來講故事：「所有人都有自己嘅角色，故事性係好豐富，而所有嘅對白都係喺歌曲裏面，用唔同嘅肢體語言去表達歌曲想講嘅故事，發掘更多唔同嘅可能性。」他又解釋自己舉行女聲音樂會而不是單純的作品展：「好多人問我點解唔搞作品展，我覺得最大嘅唔用就係作品展只係搵番個原唱來畀人聽，我想做嘅音樂會係治愈式，希望每位聽眾都可以喺入面聽到屬於自己嘅故事，我覺得呢樣嘢係好奇妙，有次個聽眾話聽完之後諗番晒自己中學到大學嘅回憶，就係有一種咁嘅功效。」

女聲合唱成員各有正職

Emily和Lydia都是女聲合唱的元祖級成員，Emily說今次比以往更有挑戰性：「今次曲目多咗，又要兼顧好多肢體語言，所以係要求自己比以往更進步，所有嘢都係要我哋28個女仔一齊去完成。」她又說大家對音樂都好有熱誠：「一開始我同幾個同學一齊參加呢個project，大家都唔係玩玩吓，我哋所有一齊唱歌嘅女仔都好似同一個世界出來咁，冇是非，大家都係好好朋友。」雖然28個女仔錄音過程需時十分冗長，而且每個人都各有正職，如Lydia就是做市場推廣工作，不過她說：「就算錄音錄到凌晨4點，有啲人要7點起身返工，大家都冇怨言，就知道係幾熱愛呢件事。」