馬海倫證雷震離世 劉偉強讚講對白有力
20180404
東網電視
更多新聞短片
國語片影星雷震離世，享年85歲。
國語片當紅小生雷震被傳辭世，享年85歲，好友之一的馬海倫證實他於昨晚11時許離世，
馬海倫婉惜說：「當然可惜，但年紀到了人總要走，我哋叫佢三阿哥，為人非常靜，後來佢個女結婚後開朗、說話也多了，好慈祥、係好好先生。」
雷震曾參演過劉偉強執導的《古惑仔2猛龍過江》，他飾演台灣三聯幫幫主，劉偉強接受東網訪問時說：「當年係天林叔（王天林）幫我搭路搵佢拍嘅，覺得佢好有台灣味。佢係我一個好尊敬嘅前輩、高高在上，印象中佢好有五、六十年代小生嘅氣質，而我哋幫佢設計咗句對白：『有用嘅放上枱，冇用嘅擺去床下底當尿壺！』真係講得好有力。」身為編劇的林奕華今日亦於社交網站悼念前輩。
本名奚重儉的雷震在家排行第三，報考「國際影片公司」（後改組為「電懋」）演員訓練班成名，胞妹亦是國語片著名女星樂蒂，當紅時有「憂鬱小生」之稱，並曾參與過不少著名電影，當中包括《香車美人》、《四千金》、《珍珠淚》等演出，與林黛、尤敏及林翠等紅極一時的女星合作過。
他於1974年與有「女版李小龍」之稱的茅瑛結婚，育有一女，但夫妻關係僅維持了6年便離異，而晚年則獨居香港，生活平靜簡單，偶爾接受訪問或客串電影，除參演《古惑仔2猛龍過江》電影外，亦於2000年演出過王家衛執導的《花樣年華》。
----------------------------
東網巨星開咗ig喇，大家快啲follow啦！