58歲劉偉強牛一：最勁收過六位數字快艇

導演劉偉強到西貢匡湖居會所舉行「劉偉強帶埋班怪獸開Party！」慶祝58歲生日，於晚上6時45分與老婆黎安兒手拖手甜蜜現身。出席嘉賓包括鄭伊健、王子涵、江美儀、王敏奕、莊思敏、陳奐仁、王晶、張婉婷、方中信、莫可欣、余安安、鮑起靜及老公方平等。而舒淇單拖赴會，穿上粉藍色衛衣悠閒造型，戴上眼鏡及粉藍色帽，她表示自己沒有化妝，之後匆匆入場。

受訪時，劉偉強表示生日願望希望身體健康。問有咩目標？他說：「當然有，但唔講得住，依家忙緊電影《武林怪獸》後期特技製作。（會唔會休息吓？）唔會啦，想繼續做，會趁周未出海Relex（放鬆）吓。（今晚不醉無歸？）我又冇，每年生日會完都可以自己行返屋企，我其實唔會飲好多，都係傾吓偈，有時生日會完都會有朋友過嚟繼續飲酒傾偈。」《武》片原定暑假上映，但因太多後期製作，決不能求其趕期惟有推遲上映時間。

稱讚雷震有星味

談及影星雷震過身，他表示從別人口中得到消息，對方前幾天已離世，對他很有印象：「佢係邵氏當紅小生，同佢合作過拍《古惑仔》，有機會同佢合作覺得好榮幸，因為佢係個好年代嘅明星，好高大又唔肥，一出嚟就好有星味。」合作完電影後二人間中會在飯局相聚，之前亦曾聽聞對方健康幾好，經常打麻雀。

問今日收到甚麼禮物？劉偉強表示應該大部分都是酒，太太對此有反對聲音：「佢唔鍾意，唔想我飲咁多。（咁多年來收過咩特別嘢？）十幾年前收過一架快艇，六位數字，邊個送就唔講得。（係咪女人送？）唔係。（鄭伊健送？）佢未有咁大方，總之就Somebody啦！嗰個人都好有心。」

他表示收到快艇時，自己未有船牌，為此的起心肝去考牌。問是否仍有保留快艇？他說：「都換咗幾次，因為都十幾年前。（老婆送咩？）我叫佢唔使買，我所有嘢連啲卡都畀晒佢。」

----------------------------

東網巨星開咗ig喇，大家快啲follow啦！

https://goo.gl/KGuo2N