短褲仔上陣 羅霖孖細仔新加坡度假

20180406
東網電視
更多新聞短片
美魔女係掂嘅!

育有三子嘅「美魔女」羅霖向來都好錫仔仔,之前就有喺外國讀書嘅大仔話要轉系兼返香港再讀,羅霖都好support,仲話仔仔開心健康就好。

身為廿四孝媽媽嘅羅霖近日就同細仔Jonathan喺新加坡度假,享受家庭樂。羅霖除咗晒出同囝囝喺飛機上嘅自拍之外,亦甫出多張同囝囝去主題公園玩嘅相,並留言:「Having fun!(正玩得開心)」相中見二人齊齊戴起黑超,而羅霖更短褲上陣,大騷長腿,兩母子仲一齊企定定擺甫士,真係夠晒招積!

此外,佢哋一行人仲去咗夜間野生動物園同一大班動物嚟個近距離接觸,雖然唔見佢哋同動物selfie,不過見佢哋齊齊企喺門外笑晒口大合照,就知今個旅程玩得好開心!