眨吓眼就半岁！杏儿囝囝摆Pose卖萌劲可爱

艺人胡杏儿去年底诞下囝囝Brendan，眨吓眼Brendan已经半岁大，认真时光飞逝！杏儿喺Instagram上载囝囝嘅近照，见Brendan细细个已经识摆甫士，对住镜头擘大口扮惊讶，仲见佢手仔好有肉地，相当之Cute！杏儿亦大爆囝囝重廿磅好聚手，佢写道：“一眨眼，我已经六个月了，谢谢所有Auntie uncle的祝福，我现在身高70cm，体重20磅，医生说我很健康，也要谢谢奶奶妈妈和爸爸把我照顾得这么好，我现在喜欢看书书，听歌歌和最喜欢吃粥粥！”

而杏儿老公Philip（李乘德）就上载另一张照片，Brendan坐喺度笑得非常开心，佢话囝囝成长过程好顺利，瞓得食得又屙得，又乐天好少会投诉，仲成日笑添！网民都留言大赞Brendan好可爱，眼仔睩睩似足爸爸！