3日2夜快閃意大利　連詩雅岸邊晒招牌長腿

早幾日歌手連詩雅（Shiga）喺社交網話會去意大利工作，在當地一個小鎮拍攝，搭十幾個鐘飛機，但只係去3日2夜咋，而今日意大利之旅已經結束，Shiga要返香港，佢喺社交網上載咗幾張相，見佢又露香肩、又晒長腿，真係好性感，而網友都叫佢不如出寫真啦！Shiga留言話希望有一日會再嚟呢個小鎮：「雖然行程很緊密，但係很有滿足感，很開心，遇到很多新朋友，感受到很多的熱情，很快就愛上這個小鎮，希望有一天可以再來這個羅密歐與茱麗葉定情的那個地方，真的去感受一下浪漫的氣氛，轉轉眼已經回到香港好好休息一回晚上繼續工作。」