唔想粉絲破財買寫真 陳煒拋胸派福利
20180412
東網電視
更多新聞短片
陳煒愛突然派福利，喺旁邊嘅馮盈盈真係冇定企。
藝人陳煒與馮盈盈出席電訊商活動，最近陳煒每次出活動都大走性感路線，今日就以超Deep V橙色長裙，微露酥胸現身，令與身旁盈盈顯得輸蝕！受訪時問到陳煒會否趁機會出寫真留倩影？她笑言冇諗過：「我份人唔係好識賺錢，我係比較鍾意派福利，偶然令大家開心吓。」
問是否受熱播劇《果欄中的江湖大嫂》帶挈增加了不少工作？盈盈就即刻賣口乖說：「係煒哥（陳煒）帶挈我。」她指明天將與《果》劇的台前幕後食飯睇大結局，陳煒就話要請盈盈食雞脾「獎勵」。
提到陳煒於活動中話自己成日自拍，問度假時會否着住泳衣自拍「派軍糧」？她怕醜話好耐都冇着過，但就預告於新劇《多功能老婆》有水着Look，又話依家開始有壓力畀自己，不過對比起用時間去操Fit身材，笑言自己好奢侈，寧願瞓覺。
----------------------------
東網巨星開咗ig喇，大家快啲follow啦！