林嘉欣玩科技嘢靠晒老公:我郁啲嗌救命

20180413
東網電視
更多新聞短片
So sweet!

影星林嘉欣到尖沙咀區出席手機活動,她透露下星期將為英皇電影《廉政風雲煙幕》開工。問到跟主角劉青雲、張家輝是否有很多對手戲?她說:「同青雲少啲同場,多數用電話交流,同家輝多啲,仲會同佢一齊去澳洲拍外景,要去成個月。(咁邊個幫你湊女?)屋企人幫手,已經同屋企請咗假,兩個女返全日制(學校)。都明白嘅,我平時多數喺屋企,佢哋知我要復出拍戲,而且依家科技發達,可以靠視像保持聯絡。(幾時出發?)五月,過埋母親節先。」

講到在活動上分享攝影心得,嘉欣直言得到贊助商贊助手機後有跟導演老公袁劍偉在電車上互影。問到老公會否教她影相?她說:「會呀!高科技嘢都係問佢,佢都有解釋,但我自己一邊耳仔入一邊耳仔出。(平時整電腦、攝影器材都係老公負責?)係呀!我覺得呢啲係外星文,我郁啲就嗌救命,叫佢幫手。(老公有冇笑你?)佢習慣咗,知我傻瓜機先用得掂。」

----------------------------
東網巨星開咗ig喇,大家快啲follow啦!
https://goo.gl/KGuo2N