廿四孝媽媽！羅霖關心仔仔情緒問題
20180414
東網電視
更多新聞短片
羅霖出席慈善晚宴。
藝人羅霖今晚以低胸晚裝出席慈善晚宴，她接受訪問時表示很開心能參與這個幫助兔唇小朋友的慈善活動，她說：「身邊都有啲朋友有呢個痛苦嘅經歷，因為要不斷做手術，無論係家人或小朋友本身都承受好大壓力，我都希望可以盡量幫佢哋。」
望小朋友健康成長
羅霖又以為人母親的身份感性道：「作為生過小朋友嘅媽咪，自己都會好緊張小朋友，甚至有時覺得自己神經衰弱，當初照BB嘅時候會專登數吓啲手指腳趾齊唔齊，見到正常先會鬆一口氣。生最尾嗰胎因為年紀比較大，抽羊水要插一支好粗嘅針，古代生仔真係好痛苦，好彩依家醫學昌明可以輕鬆啲。依家自己會好努力做嘢去照顧佢哋，因為真係愈大愈多問題，例如就業、學業同情緒問題，萬一有咩問題，自己都可以幫到手嘛。我家姐冇生過小朋友，佢會覺得小朋友可以天生天養，我就覺得做媽咪、就算自己冇得食都要畀小朋友食。目前我就最擔心佢哋嘅情緒問題，因為依家有好多年輕人輕生嘅報導，驚佢哋有壓力，因為大仔比較內向，成日收埋啲嘢喺個心度，自己會盡量同佢傾多啲計，最想小朋友可以健康快樂咁成長。」
----------------------------
東網巨星開咗ig喇，大家快啲follow啦！