古巨基自爆獲斟演孫中山
20180416
東網電視
更多新聞短片
真係咁似樣？
歌手古巨基（基仔）出席醫學美容品牌剪綵儀式，他於台上大讚經理人兼老婆Lorraine做完療程愈嚟愈索，之後司儀林盛斌更搞笑提議基仔可以做其品牌的止汗療程，避免手汗再「浸壞」咪高峰，令他笑言先後已經有4至5支咪難逃一劫，但自己就一直都冇正視問題，仲抵死話Lorraine同之前啲女朋友都唔介意。
受訪時，基仔重提Lorraine變索一事，他冧笑表白：「以前我一直以為佢得內在美，依家發現原來內在美都咁省鏡，你知我愛佢咪得囉！」問到驚唔驚老婆個樣後生過自己？基仔即話：「最好係咁，有好多人都話我凍齡添！」然後他再提到最近網傳的「長生不老」合成照：「有我拍《環珠格格》嗰樣，仲有一張係孫中山先生嘅相，啲人都話我同佢撞樣，咁嗰張相都幾似吓。」問到會否自資拍套孫中山的戲？基仔自爆曾經有被邀請過，但最後因為時間問題，未能成事：「都好有興趣拍，咁似樣，如果時間、劇本都適合我願意拍㗎，撞樣真係好特別！」
談及好友古天樂（古仔）大熱奪金像獎影帝寶座，基仔話都好戥古仔開心，第一時間都有Send訊息恭賀，遲啲會再好好同佢慶祝，而他又指目前正準備紅館騷《WE我們古巨基世界巡迴演唱會》香港站特別版：「依家綵排緊，仲有大半個月，不停Keep弗緊，淨係食雞肉、瓜、蘿蔔，但老婆會專登喺我隔籬食叉燒考緊我嘅定力。」基仔又指操弗為練氣及着衫好睇，但就無意騷肌。
----------------------------
東網巨星開咗ig喇，大家快啲follow啦！