29歲陳慧敏勇敢面對社會責任
20180417
東網電視
更多新聞短片
踏入29歲的陳慧敏更具戰鬥力。
歌手陳慧敏出席電台訪問，提到自己作曲的新歌《青春線最後一站》作為送給自己29歲的生日禮物，她說好多女仔到達某個年紀時都會察覺到身邊人老了，覺得自己要照顧家人，開始面對好多社會責任：「好似屋企人開始逼你結婚生仔咁。（你屋企對你好肉緊咁逼？）每晚食飯都講。（安排你相睇？）冇！不過好似哥哥生日嗰日，我櫈都未坐定，已經叫我拍拖結婚。」
陳慧敏又說近年面對家人身體有毛病及退休問題，自己需要勇氣去面對，認為勇氣不可過期：「提醒身邊嘅朋友，每日要重新出發，其實好多路行，睇你肯唔肯行，咁嘅年紀肯踏出去唔難，又唔係更年期。」
其實早在28歲時陳慧敏已經有這個想法，故到現在29歲，便覺得不外如是：「29歲都唔係咁大件事，每個人成長有啲嘢一定要面對，冇理由一直當自己係細路仔，唔負責任唔得。」她說正如寫歌也不能永遠寫同一樣。原來剛獲得金像獎「新進導演」的彭秀慧曾經教過她，是她的老師，更視對方為榜樣。
----------------------------
東網巨星開咗ig喇，大家快啲follow啦！