Show肌！袁偉豪除衫動人的時光
20180417
東網電視
更多新聞短片
冇人可以阻到佢除衫呀！
由藝人袁偉豪主演嘅劇集《棟仁的時光》尋晚開始首播，袁偉豪飾演嘅曾棟仁發現自己擁有異於常人嘅能力，可以透過同別人接吻令時間停頓。其實袁偉豪多年嚟仲有另一個技能，就係任何時候都可以除衫，而呢個咁香艷嘅現象最近更被定名為「Yeun Wai Ho Effect」（YWH現象）！
See See TVB Facebook專頁上載一條名為「袁偉豪Show肌」嘅短片，集結袁偉豪多年嚟喺唔同情況下除衫嘅動人時光，仲留言話：「最近天氣轉涼，但依然無阻袁偉豪，豪豪繼續除衫。作為有同理心嘅人類，你又忍唔忍心睇住上身赤裸嘅豪豪繼續受寒風吹襲呢？」片段一開始，已經見到豪豪喺綜藝節目《打工捱世界II》入面，裸露上身同一位外籍人士鬥肌，之後喺啱啱播完嘅劇集《三個女人一個「因」》入面，有一幕豪豪扮女人，但都要單手扯Bra除衫！
根據呢個「YWH現象」，「英屬處女群島」嘅學家仲作出咗深入研究，猜測佢究竟係本人純粹唔鍾意着衫，定係佢對衣物有致命性嘅過敏呢？See See TVB嘅攝製隊為咗尋求答案，決定之後公開豪豪17歲時嘅絕密訪問，大家記得留意喇！
網民有話兒：
Bxn Cxxn：阿ben同我已經括（豁）出去啦！
OT Lxx：哈哈哈哈 總結得非常好！
Vxxxn Txxg ：你可唔可以著（着）返件衫？
Jxxce Lei：其實佢好正
----------------------------
東網巨星開咗ig喇，大家快啲follow啦！