港男都有弱點！丁子朗玩過山車都淆底

藝人丁子朗與同是曾參選香港先生的麥凱程齊齊到主題樂園參與拍攝工作，二人更大玩刺激的過山車，不過似乎麥凱程表現得比較淡定，丁子朗玩的時候不時擘大口大叫，玩到面容扭曲，狀甚搞笑。丁子朗接受東網訪問時謂：「本身坐過山車唔係好驚，但未坐過香港呢個，所以玩第一轉時真係有少少驚，可能條片剪出嚟表情有少少誇張咗，第二轉已經冇咁驚，加上我哋玩過山車係測試髮蠟產品，嗰時都冇顧過個頭，剩係顧住自己驚唔驚，點知我都控制唔到自己，啲驚樣完全表露無遺。」