慈父樣出晒嚟！Taka＠OOR冧爆攬隊友BB慶生

日前被爆與前花式滑冰選手淺田舞拍拖的日本樂隊ONE OK ROCK（OOR）主音Taka，4月17日30歲生日。隊友趁着日前在名古屋巨蛋舉行演唱會，提早為他慶祝生日。除了送上大蛋糕，成員Ryota及Tomoya還帶埋BB來祝賀。

低音結他手Ryota去年初同加拿大樂壇天后Avril Lavigne的妹妹Michelle結婚後，誕下一名B女；鼓手Tomoya亦於去年11月喜獲B仔，榮升老竇，今次難得兩個成員帶埋BB出來一齊聚會，當然要影一張齊人照。照片中，只見Taka一手一個抱住可愛的B仔B女，露出四萬咁口好開心，唔知Taka有冇計劃同淺田舞生番個BB玩吓呢？

至於昨日生日正日，壽星仔Taka就獲佐藤健、三浦翔平、野田洋次郎、山田親太朗等一班圈中好友為他慶祝。