結婚一周年紀念　何啟南孖老婆歎世界慶祝

有無綫「反派王」之稱嘅資深演員何啟南，上年同拍拖三年嘅圈外女友楊穎靜拉埋天窗，原來今日係佢哋結婚一周年嘅紀念日，何啟南就喺社交網上載咗二人早前度蜜月嘅相，重溫溫馨又浪漫嘅一刻，只見佢從後攬實太太合照，展現幸福笑容，相當Sweet！另外，何啟南近日孖太太去旅行，提早慶祝結婚紀念日，見到佢哋打扮輕便，仲好歎咁享受陽光與海灘，唔少網友都估佢哋去咗馬爾代夫度假，仲叫佢哋玩得開心啲！