2個夠晒數!鍾嘉欣返港搵銀聞女兒眼濕濕

20180419
東網電視
更多新聞短片
加油!

懷着第二胎的藝人鍾嘉欣由加拿大返港,下午在中環出席化妝品活動。鍾嘉欣以白色低胸裙亮相,懷孕五個月的她腹部微微隆起,但身形、手腳依然保持纖瘦,面上更沒有出現浮腫,依舊十分省鏡!

返港兩星期工作

鍾嘉欣透露今次隻身回港兩星期做她喜愛的工作,但也乖乖答應丈夫好好安胎,故沒有相約傳媒專訪,因為不希望把行程編排得密密麻麻。

暫唔想知BB性別

已育有女兒Kelly的鍾嘉欣,被問到第二胎是兒子還是女兒?她說:「已經五個幾月,其實已經照咗,我冇問醫生,亦都叫醫生唔好講,希望保持驚喜,仔女都冇所謂。已經諗定仔女兩個名,到時順產就知道用邊個。(Kelly知道做家姐未?)一路都有灌輸緊,每日都叫佢『BB錫錫』,佢依家愈嚟愈黐身,可能知道有少少威脅,亦都買咗個假嘅BB公仔畀佢,佢開始學緊餵奶,等佢慢慢有心理準備,不過Kelly都好乖。」

掛住女兒眼紅紅

鍾嘉欣被問到今次獨自回港兩星期,可會不捨得女兒?她聞言立即眼泛淚光,並眼紅紅地說:「唔好講呢啲,第一次分開咁耐,以為自己OK,但係離開之後老爺奶奶話個女喺屋企搵我,啱啱先同佢視像通話,自己都已經進步咗。(第二胎佗得辛唔辛苦?)好辛苦,自己未試過咁懶,老公每日返嚟都見我攤喺梳化,因為第一孕期又攰又想嘔,好多謝老公嘅包容同埋愛錫,佢呢段時間做咗煮飯公、家務公、湊仔公,不過我依家已經精神番。(會唔會再生?)唔會,兩個已經好開心,仔女都冇所謂。(身形冇乜轉變?)冇乜,比起第一胎個肚大啲、尖啲。(暗示係仔?)唔係,上次佗Kelly嘅時候個肚都好尖,啲人話十成係仔,結果咪係女!兩胎個肚都好尖,不過反應懷孕嘅反應就唔同,胃口冇乜轉變,但係今次聞到意粉、肉味,隔住幾米都想嘔,呢一個係素菜BB。」鍾嘉欣又指佗第二胎感覺好輕鬆、好開心,覺得拿捏得到。她又再次強調是最後一胎,不會再生。

預產期在秋天

另外,鍾嘉欣又透露預產期會在秋天,但因怕被跟蹤,故不想透露實際日子,她又指結婚到懷孕時也不斷被爆料。講到有指鍾嘉欣老公爆出她懷有第二胎,鍾嘉欣作出否認。

未必做苟芸慧陪嫁姊妹

提到好姊妹苟芸慧將結婚,問到會否做姊妹?她說:「要等佢確定咗日子先,如果今年就未必得,因為有第二個BB簡直係180度轉變,一個自己都照顧到,第二個就真係有少少驚。」

----------------------------
東網巨星開咗ig喇,大家快啲follow啦!
https://goo.gl/KGuo2N