為《美女廚房》熱身 高海寧難忘煮鯊魚

20180421
東網電視
更多新聞短片
就算唔食得都睇得吖!

靚女高海寧(高Ling)與鄧佩儀到馬鞍山出席節目《美女廚房》美女學徒招募活動,即場炮製彩虹特飲給蕭正楠與林盛斌品嘗,蕭正楠品嘗過佩儀的飲品後即面有難色。

佩儀自爆有「地獄女廚神」外號,最擅長是用壓力煲煲湯,她笑言:「我有睇晒上一輯嘅節目,特別有印象係鄧麗欣嗰集,知道節目有個女廚神榜,我有信心會喺榜嘅底層!」

而參加過上一輯節目的高Ling,就笑言最難忘是泰國外景煮鯊魚:「成條鯊魚咁上,當時真係呆咗,結果用咗魚頭煲湯,再整咗味紅燒鯊魚。之前都有參加big big channel直播節目整鱔,希望今次節目唔好再煮鱔啦!真係好殘忍呀,佢哋唔易死,切到一截截都仲識郁!(煮田雞呢?)要劏嘅都驚!不如節目今次玩簡單啲嘅,簡單嘅反而難整,好似蝦仁炒蛋、叉燒飯咁!」而佩儀笑言最怕龍蝦:「有鉗嗰啲都好驚!如果處理好晒就好啲。」

----------------------------
東網巨星開咗ig喇,大家快啲follow啦!
https://goo.gl/KGuo2N