爭做美女廚房學徒 19位參賽者各有特色

20180422
東網電視
更多新聞短片
依家就同大家先介紹三位。

新一輯嘅《美女廚房》預計喺6月頭正式播出,早前為咗招募女廚神及女學徒就搞咗個活動,爭做女學徒嘅19位靚女真係各有特色,當中有部分仲有幕前經驗,好似本身係全職模特兒嘅Karen(羅堃尉),平時都活躍於各大平台拍過唔少廣告,參賽當日雖然着得比較密實,睇番佢嘅社交網,不時都會晒吓好身材,稱得上係禾稈冚珍珠,加上一對白滑長腿,真係唔煮得都起碼睇得。

另一位參賽者Homan(何敏怡),外表斯斯文文甚有文青氣息,不過原來佢習武已經一段時,仲要喺台灣參加武術比賽攞過冠軍,唔講真係畀佢嘅柔弱外表呃晒,有功夫打底,唔知斬瓜切菜嘅時候會唔會特別快手?

Yoki(唐碧霞)呢個名大家係咪有啲印象,冇錯佢早兩年參選過香港小姐,當年未入圍就爆出有人出價20萬邀請佢去富豪飯局,不過中途Yoki就因為想讀多啲書先至再諗前途而選擇退賽,早前佢就喺英國大學學成歸來,當日以大熱姿態殺入港姐第二輪面試嘅Yoki,今次全心發展唔知最後成績會如何呢?

----------------------------
東網巨星開咗ig喇,大家快啲follow啦!
https://goo.gl/KGuo2N