自嘲冇身材　赵学而嫌老公多嘢讲劲紧张

歌手赵学而为28日红馆演唱会进行彩排，她表示已经准备得八八九九，亦已试了服装，她自嘲：“系一个大难关，因大家知我冇乜嘢可露到，都系腰同膊头，其中一个造型就轮尽啲，怕大动作会跣落嚟，因只遮上半身重要部位，一郁跣落嚟，你知我呢啲胸如平地，大吉大利嘛，又冇山丘仔托住佢（做个人工山丘？）咁都系外置嘢，都会跣走，所以都需要多啲时间研究点样巩固巩佢。”<br/><br/>另外还有高跟鞋，因平时少穿，现上舞台都要5、6吋，要每朝练行及练走位，跳舞方面笑言：“郁吓咁啦！”记得学而上次个唱不爱戴耳机？她谓：“今次会戴，因为舞台有机关，都要听下控制台指示，安全啲，加上得一场，错咗冇仇报。”<br/><br/>老公可替她紧张？学而谓：“佢真系紧张过我，好多嘢讲，叫我唔好饮冻嘢，不停‘吟吟噚噚’，搞到我要叫他静一静，他都听话配合。”至于汤水部就交了好友陈伶俐负责，这个朋友真是太好，令她感到人间好温暖。